ლი იუჰონგმა 4 წლის ასაკში საშინელი ავტოავარიის შედეგად 2-ვე ფეხი დაკარგა. 8 წლისამ გადაადგილება ისწავლა ხის ტაბურეტის დახმარებით, რომელსაც ხელებით ეყრდნობოდა. ამჟამად ლი 37 წლისაა და აგერ უკვე 15 წელია, თანასოფლელების ჯანმრთელობაზე ზრუნავს.

.

ლი ჰუონგი ჩინეთის სოფელ ვადიანში ცხოვრობს. გოგონას სამსახური, ერთი შეხედვით, გმირობის ტოლფასად შეიძლება მოგეჩვენოთ, თუმცა, თავად ლისთვის ეს ნამდვილი სიამოვნებაა.

.

რა თქმა უნდა, მისთვის ეს იოლი არ არის, მაგრამ როდესაც გამოჯანმრთელებულ პაციენტებს ხედავს, ხვდება, რომ მოდუნების უფლება არ აქვს – ის ნამდვილად სჭირდებათ.

.

შესაძლოა, მის ადგილას სხვა ადამიანს ხელი ჩაექნია ყველაფერზე, მაგრამ ლის ძლიერმა სურვილმა, ესწავლა და ექიმი გამხდარიყო – ყველაფერი დასძლია.

.

პროთეზების არქონის მიუხედავად, ლიმ გადაწყვიტა, თუკი გადაადგილება შეუძლია – შეძლებს ყველაფრის გაკეთებას, რასაც მოისურვებს. 2000 წელს დაამთავრა სამედიცინო კოლეჯი და მშობლიურ სოფელში ექიმად დაიწყო მუშაობა.

.

ცოტა ხანში ცოლად გაყვა თანასოფლელს, ქსინგს, რომელმაც მის გამო მუშაობას თავი დაანება – სახლის საქმიანობაში ეხმარება მეუღლეს და ხანდახან პაციენტებთან ზურგზე მოკიდებული მიჰყავს. ლი  300 ოჯახს ემსახურება, დაახლოებით 1000 ადამიანს.

.

.

”უბრალოდ ვაკეთებ იმას, რაც საჭიროდ მიმაჩნია. ხელფასსაც რომ არ მიხდიდნენ, მაინც ვიმუშავებდი სოფლის ექიმად”, – ამბობს ლი.

.

.

არ არსებობს არავითარი გამართლება, რათა კეთილი საქმეები არ ვაკეთოთ. კიდევ ორმა ჩინელმა, რომელთაგან ერთი უსინათლოა, მეორემ კი ორივე ხელი დაკარგა, უსიცოცხლო ხეობისგან ულამაზესი ტყის მასივი გააშენეს. ასეთი ადამიანების მიზანდასახულობა უბრალოდ, აღაფრთოვანებს!