არიზონის ცხოველთა ერთ-ერთ თავშესაფარს დახმარება დასჭირდა, რადგან თანამშრომლები ვერ უმკლავდებოდნენ უამრავი კატის მოვლას. ხელმძღვანელობამ უჩვეულო გადაწყვეტილება მიიღო: დახმარებისთვის მოხუცთა თავშესაფარს მიმართა, რომლის ბინადრებს დემენცია და ალცჰეიმერის დაავადება აწუხებს. ამგვარად, პაციენტები, რომლებსაც თავად სჭირდებათ მოვლა, პაწაწინა ფისოების „ძიძები“ გახდნენ. და ეს ორივე მხარისთვის მომგებიანი აღმოჩნდა.

 

ეს პროგრამა მოხუცთა თავშესაფრის სამედიცინო მომსახურების განყოფილების დირექტორმა, რებეკა ჰემილტონმა შეიმუშავა, რომელიც თავისუფალ დროს ცხოველების თავშესაფარს ეხმარებოდა და კატებს უვლიდა. მან შენიშნა, რომ დიდ სიხარულს განიცდის ვოლონტერული საქმიანობისგან და გადაწყვიტა, ეს სიხარული თავისი მოხუცებისთვის გაეზიარებინა.

 

 

შესაძლოა, ეს ამბავი ვინმეს უცნაურად მოეჩვენოს, მაგრამ ცენტრის დირექტორის, შერონ მერსერის თქმით, არსებობს ემოციები და მოთხოვნილებები, რომლებიც ადამიანს არ ტოვებს, თუნდაც მას დემენცია ან ალცჰეიმერის დაავადება აწუხებდეს.

 

 

„სიყვარულის გაცემისა და მიღების სურვილი რჩება“

 

 

ინიციატივა წარმატებული აღმოჩნდა: ფისოებისა და მოხუცების საერთო მდგომარეობა საგრძნობლად გაუმჯობესდა.

 

 

„კატებმა შესაძლებლობა მოგვცეს, შეგვემსუბუქებინა დაავადება, რომელიც ჩვენს ბინადრებს აწუხებს“.

 

 

სიხარული, რომელსაც მოხუცები უმწეო ფისოების მოვლისას განიცდიან, განუზომელია. და ფისოებიც მათი მადლიერნი არიან.