სერგეი ბრინი: არატიპიური მილიარდერი

ამერიკელი მილიარდერი სეგეი ბრინი 1973 წლის 21 აგვისტოს მოსკოვში, ებრაულ ოჯახში დაიბადა. 1979 წელს ბრინები ამერიკაში გადავიდნენ საცხოვრებლად. სერგეიმ 1993 წელს კალიფორნიის სტენფორდის უნივერსიტეტში ჩააბარა, სადაც მაგისტრის დიპლომი აიღო და შემდგომ დისერტაციაზე დაიწყო მუშაობა.

.

.

აქვე მან ასპირანტი-მათემატიკოსი ლარი პეიჯი გაიცნო, რომელთანაც 1998 წელს კომპანია Google (სიტყვიდან googol, 1-დან 100-მდე ნულის შემცველ რიცხვს აღნიშნავს) დააარსა. 2009 წლის მონაცემებით ბრინის ფინანსური მდგომარეობა ჟურნალ Forbes-ის მიხედვით $15,3 მილიარდს შეადგენს.

.

სერგეი, რომელმაც 6 წლის ასაკში დატოვა საბჭოთა კავშირი, რუსეთის მიმართ კრიტიკულად არის განწყობილი. 8 წლის წინ მან კორუფციაში ჩაფლულ რუსეთს ”თოვლიანი ნიგერია” უწოდა. 90-იან წლებში რუსეთში ვიზიტის შემდგომ მან მამას მადლობა გადაუხადა, რომ ამ ქვეყანაში არ მოუწია ცხოვრებამ. ალბათ ეს სიტყვები რუსეთის პრეზიდენტის ყურამდე მივიდა, რადგან ამერიკაში ვიზიტის დროს ის Google-ის აღმასრულებელ დირექტორს, ერიკ შმიდტს,  და არა სერგეი ბრინს შეხვდა.

.

.

ამბობენ, პირველი საძიებო  პროგრამა ბრინმა 1994 წელს შექმნა, რომელიც  ჟურნალ ”პლეიბოის” საიტზე ახალ ფოტოებს ეძებდა. უნივერსიტეტში ცეკვის, ტანვარჯიშის, ცურვის კურსებს ირჩევდა, ამიტომაც გაუკვირდათ მის მშობლებს, როცა გაიგეს, რომ მათი შვილი წარმატებული პროგრამისტი გახდა.

.

.

.

ამჟამად კომპანია Google ცნობილია არამხოლოდ განვითარების რეკორდული ტემპებით, არამედ თანამშრომლების მიმართ უნიკალური პოლიტიკითაც: სამსახურში უმეტეს წილად მეცნიერების დოქტორები აჰყავთ, კომპანიის ხელმძღვანელობა ყველაფერს აკეთებს იმისთვის, რომ მათ სამსახურში კომფორტულად იგრძნონ თავი. მაგალითად, უფლებას აძლევენ, სამსახურში შინაური ცხოველები მოიყვანონ, კალიფორნიის საუკეთესო მზარეულების მიერ მომზადებულ კერძებს სთავაზობენ, სამუშაო დროის 20% ოფიციალურად განკუთვნილია მათი პირადი საჭიროებებისთვის. თვითონ ბრინი და პეიჯი კომპანიის ტერიტორიაზე ე.წ. ”როლიკებით” გადაადგილდებიან.

.

.

.

.

.

.

.

.

.

.

.

Google-ის ოფისი მოსკოვში

.


საინტერესო ფაქტები Google-ის შესახებ

.


ერთ-ერთი ამერიკული ჟურნალის აზრით Google-ის ცნობილი ლოზუნგი “Don’t Be Evil!” – კაბალისტიკური კონცეფციის ”სამყაროს გამოსწორების”  (tikkun olam) ინტერპრეტაციაა.

1999 წელს Google-ის საძიებოს პირველივე რეზულტატები ფრაზაზე ”more evil than satan himself” (სატანაზე მეტი ბოროტება) – Microsoft-ის ოფიციალურ საიტს აჩვენებდა.

ფრაზის ”დებილების რაოდენობა რუსეთში” – 2009 წელს საძიებოს პირველივე პასუხი სოციალურ ქსელ Vkontakte-ს საიტი იყო.

რამდენიმე ხნის განმავლობაში მოთხოვნას ფრაზაზე ”ღმერთის საიტი”-ს საპასუხოდ  საძიებოს რუსი მომღერლის არკადი უკუპნიკის საიტზე გადაჰყავდი.

.

.

სერგეი კოსმოსში გამგზავრებაზე ოცნებობს, ამიტომაც გახდა კომპანია Space Adventures-ს ინვესტორი, რომელიც კოსმოსური ტურისტების საერთაშორისო კოსმოსურ სადგურზე გადაფრენის ორგანიზებით არის დაკავებული.

.

.

2007 წელს სერგეი ბრინმა ცოლად მეცნიერი ენი  ვოიციცკი შეირთო . ენი სამეცნიერო-კვლევითი კომპანია Space Adventures-ს მფლობელია, რომელიც ადამიანის გენომის გამოკვლევებზე მუშაობს. მათ  90-იან წლებში გაიცნეს ერთმანეთი – სწორედ ენის დისგან ქირაობდნენ ავტოფარეხს ბრინი და პეიჯი, რომელსაც კომპანიის ოფისად იყენებდნენ. 2008 წელს წყვილს ვაჟიშვილი ბენჯი გაუჩნდა.

.

.

სერგეი ბრინზე ამბობენ, ის არატიპიური მილიარდერია: არ ჰყავს იახტები, არ არის ფეშენებელური ვილების მფლობელი, უბრალო ჯინსებით და მაისურებით იმოსება. საკუთარ თავს ხელფასი დაუწესა – წელიწადში 1 დოლარი:)  Google დღეში 200  მილიონზე მეტ მოთხოვნას პასუხობს 116 ენაზე. სიტყვა ”გუგლი” ყველა ენაზე ერთნაირად ჟღერს, ინგლისურში კი დიდი ხნის წინ გახდა ზმნა და რამდენიმე ლექსიკონშიც არის შეტანილი. არ ჯგერათ?  – თავად ”დაგუგლეთ”:)

კატეგორია: მოზაიკა

ტეგები: ,

მკითხველის კომენტარი
  1. ~x~ says:

    ვიკიწყაროში 1996 წელია მითითებული დაარსების თარიღად

    • admin says:

      ყველა წყაროს ცნობა, მათ შორის wikipedia-სი, იდენტურია – 1998 წლის 4 სექტემბერს დააარსეს, კარგად გადაამოწმეთ:)

  2. ~x~ says:

    http://ka.wikipedia.org/wiki/%E1%83%92%E1%83%A3%E1%83%92%E1%83%9A%E1%83%98

    აქ წერია 96 წელი და ალბათ შეცდომაა რახან თქვენ ამბობთ რომ ყველგან 98 წერია

  3. ~x~ says:

    ჩემდა სამწუხაროდ არ ვიცი ინგლისური და ჩვენი მატყუარა “ვიკით” ვსარგებლობ :დ

  4. ~x~ says:

    არც ჩვენი მტირს ენა ვიცი მაიცდამაინც კარგად )))

  5. ~x~ says:

    ამის შემდეგ ასეთი “იაღლიში” აღარ მომივა :) ))

დამიტოვეთ კომენტარი