უსიამოვნო ინციდენტი მოხდა 2014 წლის 27 აპრილს, ესპანური პრიმერა დივიზიონის 35-ე ტურის ”ვილიარეალი-ბარსელონა” მატჩის დროს. თამაშის 76-წუთი მიმდინარეობდა, ბრაზილიის ნაკრებისა და ”ბარსელონას” მცველი, დანი ალვესი კუთხურის ჩასაწოდებლად ემზადებოდა, როდესაც მას ტრიბუნებიდან ბანანი ესროლეს. როგორც წესი, მსგავს შემთხვევებში, მოთამაშე უკმაყოფილებას გამოთქვამს, მსაჯი თამაშს აჩერებს. მაგრამ ალვესი სხვაგვარად მოიქცა: ჯერ ბანანი შეჭამა და მერე კი ჩააწოდა, თითქოს არაფერი მომხდარა.