გურამ თიკანაძეს გამორჩეული ადგილი უკავია ქართულ ფოტოგრაფიასა და ალპინიზმში. გეოლოგ კაცს, ცხადია, მოგზაურობა და მთაში ყოფნა უწევდა. ალპინიზმით გატაცებულმა ფეხით მოიარა მთელი საქართველო და ამავდროულად უამრავი ფოტოშედევრი შექმნა. 30 წლის იყო გურამი, კავკასიონის ურთულესი მწვერვალიდან – შხარიდან დაშვებისას ტრაგიკულად რომ დაიღუპა. ბევრი მწვერვალი დარჩა დაულაშქრავი, უფრო ბევრი ფოტო – გადასაღები.